قصه حقيقيه مضحكه ومبكيه في نفس الوقت

في يوم اتصل علينا واحد و قالي انا من شركة ( من غير ذكر اسماء )

المهم شركه كبير بجده قلي اعطيني الوالده

بعدين امي كلمته و قلها انا بساعدكم انتو اعطتونا رقمكم عشان نساعدكم

امي فرحت حتى حنا فرحنا انه في احد بيساعدنا بس قلنا شرط عشان يعطينا مبلغ

و قلنا المبلغ حيكون 100000 و مدري كيف صدقنا

بس قال اعطوني ثلاث بطايق شحن سوا الوحده 200 و مع الزياده حنا قلناله انه ماعندنا نشتري البطايق

و قنعنا باسلوبه و كأنه شيخ و يقلنا بسرعه و لا حنساعد غيركم

و قال انتو تبونا نساعدكم بسرعه اشترو البطايق الحين عشان اتصرف

امي قلتله وش تبي بالبطايق

قلها انتو اشتروها و اعطوني رقمها على التليفون

و انا بحولكم الفلوس عن طريقها

حتى ما خلانا نفكر يقولنا بسررعه و يسرع في كلامه

و حنا بصرااااحه مانعرف بالبطايق صدقناه للاسف و نزل اخوي يشتري البطايق .

و الله العظيم انه كانت الفلوس الي اشترينا بيها البطايق حيلتنا ماعندنا غيرها 600 ريال

و ابوي ماكان يدري ابد بس

بعدين اعطيناه رقم البطايق بالتليفون

و قال بكره بتتصل عليكم وحده اسمها هدى الساعه 9 الصباح و بتعطيكم الفلوس

و للاسف انتظرناها و لا احد اتصل رجعنا اتصلنا عليه ما يرد و اخر حاجه فصل جواله عرفنا انه خدعنا

و حنا في شدة حاجتنا للمال و فوق ده كله اخد مننا 600 ريال الفلوس الباقيه مع امي

جلسنا نتحسب عليه و نبكي لانها كانت سرقه و برضاناه حرقة دم

اذا فكر انه يقدر يهرب مننا ماراح يقدر يهرب من عذاب ربه

حسبي الله فيه ونعم الوكيل الله ينتقم منه

اسفه اذا طولت عليكم حاولت اختصرها على قد ما اقدر